يامعانق الريح خل الريح واحضنّي...

يامعانق الريح خل الريح واحضنّي...
..............بكرة تجف الجهات وتَبْلَش بْمَسرى..


أشرعت مدَّك لرمل التيه متهنّي..
................بالملح تكتب ومن غير الصبر يقرا..


عن خاين الدمع هات الدمع لو : منّي..
.........................ودّي أمرك بَليَّا بسمةٍ صفرا..


بفتحلك الأرض مثل الجرح...وادفنّي..
...............أجرح لك البال مثل الضيق للأسرى..


ماجاد جفني لـ غيرك لو بدا كنّي..
..................بيْسار عيني رَميت الدمع للأخرى..


طيّرت بعدك سماي وجيت متعنّي...
............... لآخر حدود الجناح وسدرة البُشرى..


مريت بـ اول فصول الغيم متغنِّي...
..............وانبح حزني وأحسك كنت بي أدرى..


مارحت شاري ولكن جيت ترهنّي..
............للعمر/ للحلم/ لـ اصدق نبض مايُشرى..


يكفي بأني نزفتك قبل تطعنّي...
..................ناديت لكن خذلني صمت هالقفرا..


ليت لضلوعي يقينٍ وامعن فـ ظنّي..
...........لكن زفيري نشب فـ الروح واستشرى


ماكنت نجمٍ جديد الضي..متبنِّي..
......................طفلي صباحٍ يمد النور للقمرا..


لو كل طيرٍ لقى لي روح تسجنّي..
............... ماكنت عايش ادور عش للذكرى..


والحين جيتك وكان الدمع مو منّي..
...............اجهشت لكن حضرت ببسمةٍ صفرا.





/

والله انك شاعره اكثر مني طلع مين يتحداني ههههههههههههههه ............تحياتي الك..............؟

ههههههههه اهم شي انها عجبتك يسلمو على مرورك العطر


نبي نشوف تفاعلك معانا همتك يا شاعر المنتدى

هذا اسمه شخابيط

يامعانق الريح خل الريح واحضنّي...
..............بكرة تجف الجهات وتَبْلَش بْمَسرى..

شموخ .... الذوق الرفيع .... لكم عنوان .... اختيار .... يبحر بنا في عالم المشاعر ...

[وحدهم المديرون لديهم صلاحيات معاينة هذه الصورة]
يسلمو على مروركم الطيب وانا احترم راي كل واحد منكم
اشكرك اخي ابو عاصم على احساسك الرائع انت اذوق كله
[وحدهم المديرون لديهم صلاحيات معاينة هذه الصورة]