قصيدة فمان الله .. روحي واتركي روحي بما فيها

قصيدة فمان الله .. روحي واتركي روحي بما فيها


[وحدهم المديرون لديهم صلاحيات معاينة هذه الصورة]

فمان الله .. روحي واتركي روحي بما فيها
فمان الله .. والذكرى تكفيني .. تكفيني
فمان الله .. لو ما أقدر على الفرقا وطاريها
"فمان الله .. يا أغلا من سكن داخل شراييني"
انا لو لوعة الفرقا تشد الروح ابا اخفيها
وابا اضحك وآتظاهر بالفرح .. والدمع في عيني
وابا ابكي كل ماصديت للذكرى .. واناديها
وأعيش بجوّها لو كان يتعبني ويشقيني




[وحدهم المديرون لديهم صلاحيات معاينة هذه الصورة]



وابا اكتب صفحة الأشواق بالإحساس واطويها
وأخط أجمل رسومات الغلا .. وأجمل عناويني
سنين العمر لو مرّت وعدتنا لياليها
بقى للحب بصمة شوق .. أوقعها وتعنيني
على صوت الحقيقه لو .. مشاعرنا نغنيها
بكى نبض الخفوق .. وحارت دموع المحبيني
دقائق حبنا كانت .. تغني مع ثوانيها
وتاقف ساعة الفرحه وترقص بينك .. وبيني

[وحدهم المديرون لديهم صلاحيات معاينة هذه الصورة]

انا شاعر مشاعر .. والمشاعر عند غاليها
تفوح بعطر مسك وفل وورود ورياحيني
تدلل من يدللها .. تراعي من يراعيها
على قدر الغلا .. تعطيك مهما كنت تعطيني
ولكن .. دمعتك ياعين هاتيها .. وهليها
فمان الله يا جرح الشعور .. وضحكة سنيني
فمان الله .. روحي واتركي روحي .. بما فيها
فمان الله .. والذكرى تكفيني .. تكفيني .!
[وحدهم المديرون لديهم صلاحيات معاينة هذه الصورة]

انا شاعر مشاعر .. والمشاعر عند غاليها
تفوح بعطر مسك وفل وورود ورياحيني
تدلل من يدللها .. تراعي من يراعيها
على قدر الغلا .. تعطيك مهما كنت تعطيني


شموخ بدوية .... الله يعطيك العافية .... أسعدتينا بهذه المشاركة الرائعة ....

[وحدهم المديرون لديهم صلاحيات معاينة هذه الصورة] السعادة الحقيقية تكمن في تواجدك معانا [وحدهم المديرون لديهم صلاحيات معاينة هذه الصورة]