" الجرح أرحم "

" الجرح أرحم "

الـلي بقـى لـي مـع الأيــــام .. وفّيتـه ** والضيـق .. لـو ينهمـر تشـربْـه وديانـي
ما هـي كبيـرة علـيّ والحـزن غنّيتـه ** ولا هـي غـريبـه .. إذا وقـتـي تحدانـي

الخوف .. يا مـن نبشت القلب وأدميتـه ** لا عشت زهرة شبابك .. وأنـت وحدانـي
كم جرح خذتـه من الأحباب .. ضمّيتـه ** وجـروح قلبـي .. زكـاة لـ حُـبّ خِلاّنـي

مطعون؟ عادي .. جفا الأقراب؟ داويتـه ** تعبان؟ مبطي .. ردى هـ الحظ؟ خاواني
صدمه؟ بسيـطه .. هَوان الحال؟ مرّيتـه ** مقـرود؟ أدري .. وإذا حرمـان؟ عدّانـي

مـا فـاح هـمٍّ .. لـك اللـّه مـا تقهويتـه ** ما مـرّ حـزنٍ بـ غيـري .. مـا تبلاّنـي
يا ما ويـا مـا مـن الخـذلان .. عدّيتـه ** إلا بـ صاحـب .. بعد عشـرة تناسانـي

أزريت لـ أنسـى غيـابـه .. ليـن ناديتـه ** والمـوت .. لا من تجـاهلنـي وجافـانـي
وينـه يجـينـي .. وكـل عتـاب كنّيتـه ** يا ليـت يدري بعـد فرقـاه .. وش جانـي

من كنت طفل(ن) وأنا أرجـاه فـي بيتـه ** شيّبت .. وأثره على هـ الحـال خلاّنـي
حـتى جنـاح العتـب .. لـ رضـاه ذليتـه ** ما طـرت بعده فـرح .. مـن ذلّ جنحانـي

يا قلب صـبرك .. ترى كل شيّ سويتـه ** ما كان أفضل من اللي كـان بـ إمكانـي
لو بـي قـوّة علـى الهجـران ..؟ خليتـه ** لـو بـي ذرة مـن الـنكـران ..؟ يفدانـي

الجرح أرحم .. إذا يرجـع مـن أغليتـه ** مجروح؟ فـدوة .. ولكن صـعب وحدانـي





[وحدهم المديرون لديهم صلاحيات معاينة هذه الصورة]

الخوف .. يا مـن نبشت القلب وأدميتـه ** لا عشت زهرة شبابك .. وأنـت وحدانـي
كم جرح خذتـه من الأحباب .. ضمّيتـه ** وجـروح قلبـي .. زكـاة لـ حُـبّ خِلاّنـي

رائع الوصف .... روعة ذكريات زهرة الشباب ...بما تحمل من شقاوة .... وأحلام .... شموخ بدوية .... لكي نحياتي ....